అక్షరాలను మధించాను... భావమనే సుధ కొసం....

మనసు కొండ మీది మందారాన్ని పూజ వస్తువుగానే పొదువుకున్నాను...

నిరీక్షణలో కరిగిపోయిన కాలాన్ని నీరాజనంగానే అద్దుకున్నాను...

నిన్ను కోరిన మది మధనపాటును ప్రసాదమంటూ సమాధానపడ్డాను...

తపన మిగిలిన తడికన్నులను నిర్మాల్యమని తృప్తిపడ్డాను...

మాటల గారడీలో పెదవుల వెనక నలిగిన నిజాలనూ...

ఎదురు చూసిన రెప్ప మాటున ఆవిరయిన ఆశ క్షణాలనూ...

గుండె గుడిలో వెలిసిన దేవతకు మంగళహారతి అనుకున్నాను...

కాని నీ చూపు తో మీటిన నా హృదయతంత్రులని సవరించేదేవరూ...!